Verschiideni Kommissione

 

E grosse Verain, wie das d Guggemusig Mohrekopf isch, kasch nid allai numme mit eme Vorstand fiehre. Damit wirgglig alles klabbe duet, wies sott, bruchsch vylli Hälfer, wo das Schiffli uff Kurs halte. Do derzue setze mer verschiedeni Kommissione yy.

 

  • Z'erschts wär do d Muusigkommission, wo fir d Stiggliuuswaal und fir d Probe zueständig isch.
  • E zwaiti wichtigi Kommission isch d Süüschee-Kommission, wo d Voruuswahl vo de Larve- und Goschdymvorschleeg fir unser Fasnachtssüüschee usarbeitet.
  • Als dritts wär do d Feschtkommission z erwähne, wo fiir d Organisation vo unsere Feschtli, zem Byschpiil em Depotfescht, verantwortlig isch.
  • Vo Fall zue Fall, zem Byschbiil fir Statuteänderige, grynde mir e ad-hoc Kommission, wo sich um gnau definierte Uffgobe kimmere tuet.