Gschicht vo de Mohreköpf im Joor 1954

 
1954

 

1954

 

Aafangs fufziger Joor hänn sich vo Zyt zue Zyt e baar glatti Sieche droffe, um e baar gmietligi Stunde zämme zverbringe. Irgend ammene scheene Daag, vermuetlig in bierseeliger Stimmig, (ebbis Gnaus waiss me doo nimm) isch d Ydee uffkoh, me kennt doch e Gugge grinde. Nadyyrlig isch dä Gedangge sofort begaischtered uffgnoh worde. Jetzt hett me noone Namme miesse sueche fir die ney Gugge.

 

Ain vo däne Grindigsmitgliider isch Beggerleehrling in dr hittige Beggerei Brülhart an dr Riechetoorstrooss 18 gsi. Dä het syne Kollege amme d'Räschte uss dr Baggstuube mitbrocht, vorallem Mohrekepf. Dorum isch me gly uff dr Namme "Mohrekopf" kho und d Guggemuusig Mohrekopf isch us dr Daufi ghoobe worde.